by by iblisse

موضوع: by by iblisse السبت 06 نوفمبر 2010, 3:44 pm

سلااام
ابليــــس يصـــف الوضـــع والحالـــة في البلاد العربية

كان في غرفته , يلملم ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة .........................................................................................
حسب الأصول , وبجوارها تقبع ( ون-واي ) تيكت إلى جزر القمر !!!!!!!!!!!!!!!!

كانت ملامح وجهه في تلك اللحظات تنطق بالحزن, الكآبة , الإحباط , اليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل إبليس راحلٌ عن بلادنا إلى غير رجعة... فليفرح المؤمنون .........!!!!!!
وين يامسهّل؟ ليش عم بتضبّ اغراضك !!!!!؟؟؟؟؟

يازلمة ماضلّلي قعدة عندكم, إلي سنين عاطل عن العمل وقرّبت موت من الجوع .. ما بلاقي معك سيجارة يا أخي ؟
ما رح أترك فيكم لاوسواس ولا خنّاس! كنت زمان بوسوس للوحدة تترك ابنها يبكي وهي عم تحكي مع جاراتها, هلأ صاروا لحالهم يرموا اولادهم في الحاوية أوّل مايجوا !

كنت وسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يا زلمة إذا أنا إبليس تسمّمت بالشاورما ...................................!!!!!!!!!!!!!!!!!!!!!!!!!!!!!!!!!!

كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه !

واحد بيسرق 6 مليون عينك عينك بيحبسوه 3 سنين في فيلاّ عالشط, وتنين بينبشوا في مكبّ الزبالة بتضرب الشرطة النار عليهم , إنتو بدّكون إبليس إنتوا ؟

صار عندكم فائض في الفساد بكفّي 30 سنة لقدّام, صرت خاف على حالي منكم!

يازلمة مرّات بضطرّ أوسوس بالمقلوب وقول للمسؤول إرحم وللحرامي بيكفّي خلّي شويّ للحراميّة اللي رح ييجوا بعدك!

يعني إذا إنتو لحالكون ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تكسي يعني ولاّ أفتح صالون حلاقة ؟
ماضلّ غير قدّم للأوقاف يعيّنوني واعظ أو إمام جامع !

by by iblisse 974537