دورة تعليم غرز السموكس ( Smocks )
المرحلة الأولى
*- الدرس الثاني
(إذا لم تظهر الصور اضغطي F5 ) مساء الخير اخواتي انشاء الله تكونو في أتم الصحة و العافية
اليوم راح نبدا الدرس الثاني
لازم الكثير من التركيز لانوا الان راح ندخلو في تعلم الغرز
انشاء الله ما تخلو و لا شيء يفوتكم
اولا ] حضرو الادوات اللي طلبتها منكم بالدرس الاول
ثانيا ] الغرزة اللي راح نتعلمها اليوم هي غرزة المثلث
[ندعوك للتسجيل في المنتدى أو التعريف بنفسك لمعاينة هذا الرابط]ثالثا ] خلونا نحضر الباترون
راح ابدا العمل اولا على الورق المقوى قبل ان ارسم فوق القماش ياللا تابعوني
راح نستعمل حجم الغرزة متوسط معناه ابعاد الجدول راح يكون كل مربع 3سم*3سم
راح نسطر على الورق المقوى جدول بهذه الابعاد وراح نتحصل على الشكل التالي
[ندعوك للتسجيل في المنتدى أو التعريف بنفسك لمعاينة هذا الرابط]بعد ذلك نربط النقاط بين بعضها بهذا الشكل
بالنسبة للحواشي نعمل خط واحد يعني مانكملوش شكل المثلث باه الانجاز لي نعملوه يجي مقفول و مايبقاش مفتوح
المهم نتحصل على المخطط التالي و الذي هو عبارة عن باترون العمل
[ندعوك للتسجيل في المنتدى أو التعريف بنفسك لمعاينة هذا الرابط]بالنسبة للاخت لي تعرف روحها تغلط و ما زالت ماهيش متحكمة في العملية لازمها تنقل الباترون بنفس الطريقة على القماش
اما الاخت لي تعرف روحها شاطرة نعطيها طريقة اسهل ما تّعبهاش و تخليلها لقماش نتاعها نظيف
روحي لهاذوك النقط و اثقبيهم بواسطة ابرة خشينة و حطي الباترون نتاعك فوق القماش
و مبعد علمي غير النقط و كي تكملي و صلي بيناتهم بطريقة الباترون راح تكون النتيجة كالتالي
[ندعوك للتسجيل في المنتدى أو التعريف بنفسك لمعاينة هذا الرابط]طبعا عند رسم الباترون راح نبتعد بحوالي 10سم عن حافة القماش و طريقة الخياطة راح تكون بالشكل التالي
نبداو بالحاشية التي تظهر في الباترون بشكل خط واحد و نربط بين النقاط من 1 الى 2 و نعقدو و هكذا حتى نكملو العمود كامل
يعني في راس النقطة راح نعقبو الابرة و نعقدوها للنقطة لي بعدها بهذا الشكل و مبعد نجبدو الخيط و نعقدو
[ندعوك للتسجيل في المنتدى أو التعريف بنفسك لمعاينة هذا الرابط]انا لما نعقد الخيط نقصو لانها الطريقة الاسهل ماتخليش الخيوط تتشابك
[ندعوك للتسجيل في المنتدى أو التعريف بنفسك لمعاينة هذا الرابط]راح ينكمش القماش طبعا ما تتقلقوش راكم تكونو عملتو أول غرزة كملو اوصلو باقي النقاط ببعضها و اول ما تكملو أول عمود راح تتوضح لكم الفكرة
[ندعوك للتسجيل في المنتدى أو التعريف بنفسك لمعاينة هذا الرابط]بعدين نوصل بين النقاط 1ثم 2 ثم 3 و مبعد نزيدو نرجعو للنقطة 1 يعني نغلقو المثلث راح تتشكل لينا اول غرزة مثلثة و هكذا حتى نكملو كل الغرز و نكملو كل عمود حتى نكملو قطعة القماش كاملة
[ندعوك للتسجيل في المنتدى أو التعريف بنفسك لمعاينة هذا الرابط]هذا هو الشكل من الخلف
[ندعوك للتسجيل في المنتدى أو التعريف بنفسك لمعاينة هذا الرابط]و هذا من الامام
[ندعوك للتسجيل في المنتدى أو التعريف بنفسك لمعاينة هذا الرابط]راح تلقاو انو القطعة لي اخترتوها اول مرة راها انكمشت كثيرا في اتجاه الطول
شوفوا الفرق
نتمنى اخواتي انكم فهمتو
مع التحية