من ارهاصات الاسبوع الثقافي الميلي وذكرى 20اوت بسكيكدة

ازمتنا اللي نشوف  صارت  ازمــــات****في الحقيقة  تعـــود  للجهــــل بالتاريــــخ
  اشكون يحدثني ميله  كيــف  بـــــدات؟**** اشكون يذكر لي شاعر؟اذكروا لي شيخ
 باش ما نروحش بعيد  كاين سياسات****وكاين اللي يسوّق وبـــروّج  للبطيـــــــخ
            في الشرق الجزايري تـوجد حضـارات****في امتـــــداد الشرق عــــبر التواريــــخ



        راض على شفـــــت واللي ريت بالعين****واللي يديـــــــر الخير من الواجب نشكـــر
        منين دخلت سكيكدة غير لكلام الزيـــن****على المباشر نقــــــــول وهذا ماوش سر
         شعبنا مــــعروف مـــن مــــدة وسنيــــن****يوفّي بحق الضيــــف  بزيــــادة  وكثـــــر
          نبدأ بالنوتيــل  ومن الدخله على يميـــن****في الreception وخاوتي اعطاوني قدر
        غير احجزت الغرفه دخــــــــل موسيقيين****وقالوا لي واش رايك للغرفه تغيـــــــــر ؟
         ما كانش مشكل,,رانــــــــا مسلميـــــــن****ومن الدين تعلمت  يلزمنا  نـــــــــــــــوثر
         في الوجـوه النـــور بــــي فرحانيــــــــن****افشي للســــلام,,, سهّل  ويسّـــــــــــــــر
        سيدي بونويضرات تستاهل خيـــــــرين****الله يبارك لنـــا فيك ويطـــوّل  لعمــــــــــر
         كانك انت المسؤول سلّم لي على اخرين**** عندكـــم  وليــــدات  واحد  ما قصّـــــــــر
       ما نخبيش عليك  راني شكرت اثنيـــن**** واللي يجامل الناس راه للنـــاس يغـــــــدر

   يـــا بوجمعة اخيي نا  قلبــــي مجروح****صوت القصبه دوا للقلـــب وسكـــــــر
  اعطني استخبار,,,خــــل العقل يـــروح****طـــــول في النوته وهات طويل لعمر
  نا من سيدي عيسى في دمي والــــروح****انا عربــــي وذوقي ما هوش مكســر
  تبغيي رايــي ؟؟؟ اليوم ليك بسر نبوح**** بالقصبة كي نحب  نقـــــدر تغيـــــــــر

سفيان وليدي الله يخلي لك بـــــــوك****والله يخليك انت ليهم فخر وذخـــــر
هذا الزمان صعيب ننصحك كي خوك**** طاعة الوالدين مــــــــن ابواب البر
الجنة محفوفـــه بالســــدرة والشوك**** استحفظ بيهم ودير واش اللي تقـــدر
تحت اقدام امــــــك حوايــج ينفعوك****لا تقول لها اف وعندك لا تنهـــــــــر
انت ولد حــــــلال بالك يغـــــــــروك****واعرف من تصاحب هذا الزمان يغـر
عيط لاميمتــك واحنـــا نسمعـــــوك****كن القدوة لينا وخلينـــــا نشكــــــر
من سكيكدة نقــول يا وليدي مبروك**** رضايتهم عليك تحفــــــظ وتستــــر


ناس سكيكدة نقول ابقاو على خيــــر****سبـــــع ايام قلال لو نحصي ونعــد
احنا من ميلـــه من كبير وصغيـــر**** نشكركم بزاف ولربنا نحمـــــــــد
من نزل الجميل للمســـرح لكبيــر****لدار الثقافــــه والشيفور خالــــــــد
سمحوا لنا اذا كان منا تقصيــــــر**** السماح ارباح نقــــول كنتم السنــد
فضل الله علينا وفضلكـــم كثيــر**** الله يخلينا ديما واحنا اليد في اليــد

من الثقافه انتم تكثــــــــروا  للصـــور****ومعارض الازياء ديـــــــروا في كل مكـــان
     ثقافه خليدة  هاو  ادى  لمطـــــــــــــــر**** تفرجــــــــوا في بعضاكم حتى في الجرنان
    الكاميرا  تمـــلات  يا  ربي واستـــــــــر**** عندي فايسبـــــــوك  يعري  للسلطــــــان
   بونويظرات وليدي راكم في خطـــــــــــر**** كل مــــــا الطير علا  يصغر في الاعيــان
   امراض بعقـــــــدة نقص..هذا هو عنتر؟****وهذا زعمـــــــة بارك من ميلة وفنـــــان؟
   من عجايب الزمــــان عاد القرد يشعر****والميكرو  يحكم غيــــــر فلان  وفـــــــلان
    معروفين عندنـــــــا...لا داعي نخبـــر****نص الولايــة  رميتم  للنسيــــــــــــــــــــان
    (الشاعر الصغير) نبكــــي  كي نذكـــر**** ويتفتت قلبـــــي لعبتــــــم بالنســـــــــوان
            ميات سنة وانتم تحسبونا بقـــــــــــــر****ما يهمكمش لوطن  هــو اللـــــي خسـران؟
            حتى الميت عاد يخرج من لقبــــــــــر**** والبو ســـلال  لبغل يطيــــــــر للماركــــان
            مصالحهم محميه..لبساط شوفوا حمر**** رايس مالي ودونه فـــي لقدر وشـــــــــان
           الجزاير مسكينة  ما عندهاش الزهـــر**** غير الكلب وخوه يحكـــم والثعبــــــــــــان
           بــ(بن بله) مروكي كان الضوء لخضر****و(بوتفليقه) اشكون؟موشي من تلمســـان
           حتى (الهامل)وسي من جهة المحشــر****يجيب لناla drogue في بلاست الدخان

                   
         

اقتباس :

فرقة خيالـــــه تضـــــــــــــرب البــــــارود**** وعلى انغام الزرنه دارت سهــــــــــــرات
          يا وليدات (التلاغمة) معاي الناس شهــود** **من عندي تستــــــــــاهلوا كـــذا ميدايــات
          احنا اليوم في (سكيكده) والامــــل معقــود****علىمـــــــــدار اسبوع  يلزم  كرامـــــــات
          ميله تنتظــر نوفــــــــي بالعهــــــــــــــــود****ونخلــــــــص للاعمال ومعاها النيــــــــات
          يا (نكاع) وليدي احسبني من لجـــــــــدود**** حسبني عمــــــك جا يغنم سويعــــــــــات
         Plage STORA شوف كيف راه ممدود****وشوف المصطافين,,السهرة هاي حلات
           نشوف تمثلوا حوايـج ويا نعم المــــردود**** الزرنة والبندير وزيد الرقصــــــــــــــات
         ( القرانفوزي )

حتى (الهامل)وسي من جهة المحشــر****يجيب لناla drogue في بلاست الدخان
هنا الدلائل
[ندعوك للتسجيل في المنتدى أو التعريف بنفسك لمعاينة هذا الرابط]
او
[ندعوك للتسجيل في المنتدى أو التعريف بنفسك لمعاينة هذا الرابط]