موضوع: الجزايري راسة والي غلط فيه باسا الإثنين 16 أغسطس 2010, 11:48 pm
السلام عليكم ورحمة الله وبركاته ...
حابة نطرح عليكم قضية راني وليت نشوف فيها وقولولي (سيرتو المغتربين) اذا كانت العقلية تاني عندهم ولا لالا...؟؟
هي قضية الصابوتاج ضد كل ماهو جزائري ..وياريت يكون الصابوتاج من براني ..لالا من جزائري ضد جزائري ...رايحة نعطيلكم شوية تفاصيل تفهموا بيهاالموضوع...
قطر على بالنا دولة كبيرة بامكانياتها ودولة بدات تبني في نفسها من مدة ليست ببعيدة...وعلى بالنا عندها شوية ميول مع الجزائر.. -في سنة 1992 قطر كانت باش تفتح مصنع كبير نتاع بترول والغاز طلبت من الجزائر 92اطار حتى يساعدها باش تنهض بالمصنع ونعرفوا بلي قطر قادرة تجيبهمحتى من أمريكا لكنها فضلت الجزائر ...الجزائر رفضت قالت ..لالا.. مانمدش (رغم البطالة ليراهي دايرة حالة )....فاتت
-من سنتين قطر بنات أكبر مستشفى يمكن في الشرق الأوسط..طلبت من الجزائر كي العادة 400ممرض وقادرة تجيبهم من اي بلاصة وعلى بالكم شهرية ممرض في قطر 10ملايين +سكن راقي+حق الطائرة كل عام مرة وتروح بيها وين حبيت...الجزائر قالت لالا مانمدش رغم ان البطالة دايرة حالة...وجابتهم من مصر لي ماصدقت وبعثت 500 مش 400...[
-من ايام اللجنة الاولمبية في قطر طلبت بعض الاطارات والمدربين..من الجزائر لكن هذه المرة مش الجزائر لي قالت لالا ..المسؤول على قبول طلبات العمل الي هو جزائري قال لا للجزائريين وكي تقلو جزائري شغل ضربتو بموس في قلبو...؟؟
..؟؟ماهاذا علاش الجزائري يحب ياكل الخبزة وحدو ..حتى عمال السوناطراك لي قدموا استقالتهم باش يروحو لقطر والامارات وابو ظبي طردهم شكيب خليل (الطرد يعني لا معاش التقاعد ولا شي ..كن تولي خدمت 20سنة ماتهمناش ) حتى الجزائرين لي في قطر وفي ابو ظبي ولي حابين يجيبوا جزائريين.... الشيفان (الجزائريين) قالولا نجيبو هنودا ومانجيبوش جزائريين اضافة الى الحقرة والصابوتاج عيني عينك باش الخدامة (الجزائريين) يكرهو ويرجعو للجزائر باش تفرغلهم الساحة... كل واحد حاب يبقى وحدوا ..؟علاش هكدا..علاش هاذ الانانية لي عند الجزائري..حكومة وشعبا (حاشا البعض)... حتى ومازال ماشفتهمش لي فاهم يفهمني في هاذ العقلية بسكو رايحة وتزيد...البطالة باش تقتل بعض الناس والجزائر تتكسل وياريت موفرة لشعبها وش يحتاج
يعني مانرحم مانخلي رحمة ربي تنزل ....!
عدل سابقا من قبل بنت البلاد 005 في الثلاثاء 17 أغسطس 2010, 11:26 am عدل 1 مرات
شـُهرة العضو
نقـاط التمـيّـز
الإقامة
أوسمة
الإثنين 16 أغسطس 2010, 11:48 pm
