موضوع: هل تعرف كلمات أو عبارات خاصة فقط بتاجنانت ؟ الإثنين 17 مايو 2010, 5:06 pm
تاجنانت هي مدينة معروفة بكثرة احتكاكها مع كافة نواحي البلاد من الشرق إلى الغرب و لذلك تجد تنوعا كبيرا في تشكيلة اللهجة التاجنانتية ولكن رغم ذلك فهناك كلمات و عبارات لا يعرفها إطلاقا أشقاؤنا في المدن الأخرى و حتى المجاورة و القريبة جدا
سأعطيكم البعض منها: *- بـــقّـــط : تعرفونها و تعني أشعل ، هذه الكلمة فعلا لغز .. فهي غير مفهوومة ابتداءا من مدينة العلمة التي تبعد عنا فقط 20 كلم ...؟؟ *- تـوالـــي: أي بمعنى عـنـدي ، أو بالقرب مني.. هذه الكلمة لا توجد ضمن القاموس اللغوي لكل ولاية ميلة ماعدا شلغوم العيد. و إذا ابتعدت عن تاجنانت فقد تكون غير مفهوم باستعمالك لهذه الكلمة.
*- ما عليكش ؟ تستعمل للسؤال عن حال الشخص ، و يكثر استعمالها عند مقابلة شخص ما استخدام هذه العبارة محدود جدا خارج تاجنانت ، *- يكحب: و تعني يسعل خاصة ببعض المناطق السطايفية و تاجنانت ، فقسنطينة تفضل يسعل أو يكح. *- الدرج: تستعمل عندنا للساعة و تعني 5 دقائق .. لا تستعمل هذه العبارة خارج مجال قسنطينة فهي غير مفهومة ...؟؟
موضوع: رد: هل تعرف كلمات أو عبارات خاصة فقط بتاجنانت ؟ الثلاثاء 18 مايو 2010, 5:15 pm
السلام عليكم موضوع في القمة أدمن مشكوووووووووووووووور
أنا فقط أتذكر أحد أصدقائي المقيمين بولاية برج بوعريريج لما كنت أسأله عن أحواله قائلا :ماعليكش؟ فيجيبني هو : بل عليّ ! كونهم في البرج لا يستخدمون هذه العبارة.
موضوع: رد: هل تعرف كلمات أو عبارات خاصة فقط بتاجنانت ؟ الثلاثاء 18 مايو 2010, 8:35 pm
موضوع رائع و مدهش في نفس الوقت أنا لم أكن أتصور أن أحدا في الجزائر و خاصة في الشرق لا يستعمل : بقط أو توالي.....
كنت أعرف بعض التسميات الخاصة بالمأكولات في تاجنانت نقول: بربوشة أما في قسنطينة يقولون: طعام و هناك من يقول النعمة غير أن النعمة في تاجنانت هي شيئ أخر تاماما
موضوع: رد: هل تعرف كلمات أو عبارات خاصة فقط بتاجنانت ؟ الأحد 04 يوليو 2010, 4:32 pm
zaki-tadj كتب:
هههه حاجة مليحة خويا
الحاجة الي تقلقني كي يلعبوها ناس أخرين في قسنطينة مثلا يديرو روحهم ما يفهموش هدرتنا
واخطينا من ناس سطيف الي يكرهونا تقول نقسموا في الرزقة معاهم
بصح فهمت علاه الناس كامل ماهمش يفهموا فينا على خاطر رانا فوور عليهم
سلام عليكم خويا زاكي أنا خالطت شوية هاذ الناس اللي راك تهدر عليهم و شفت شوية العقلية نتاعهم .. القسنطينية زعما لاعبينها متقدمين .. و كلي المنطقة تاع الشرق كامل هوما الأكثر تحضرا فيها !! و صراحة أنا ما نطيقهمش بزاف خاصة على عقلية ولد بلادي انتاعهم .. الناس اللي تتحضر تتفتح على الأخرين ماشي تنغلق على روحها !!؟؟ أما سطيف أنا تبانلي حاجة اخرى طول .. صح هوما يحبو الزوخ و صحاب العط كيما يقولو . بصح يجوني معقولين تقدر تخالطهم ، خاصة ما كاش فرق كبير في التخمام بيناتنا .. أنا ماشي نهدرلك على سطايفي في سطيف و إنما عشت معاهم بعيد على المنطقة تاعنا و صح يبانولك بلى راهم كيفنا .. خاصة لما تشوف صحاب الغرب .... روح جرب تعيش في الشلف مثلا و الله تقول رانا في الشرق نوايا انتاع الصح . و تحيا تاجنانت .
موضوع: رد: هل تعرف كلمات أو عبارات خاصة فقط بتاجنانت ؟ الأحد 04 يوليو 2010, 4:39 pm
و انزيدك حاجة أنا في إحدى ولايات الوسط .. و الشي اللي ما زال ما تعودتش عليه هو الغاشي اللي يقومو بالبحث في المزابل أعزك الله .. على بالك الناس منا و منا راهي ما لقاتش واش تاكل حنا في تاجنانت اللي ما لقاش خلاص الخدمة يخدم نجار كيما نقولو ، بصح في ولايات اخرين راك ما عندك والو سوا الديبلوم سوا السرقة و الممنوعات ...
موضوع: رد: هل تعرف كلمات أو عبارات خاصة فقط بتاجنانت ؟ الإثنين 19 يوليو 2010, 7:57 pm
N0UN0U0 كتب:
سلام عليكم خويا زاكي أنا خالطت شوية هاذ الناس اللي راك تهدر عليهم و شفت شوية العقلية نتاعهم .. القسنطينية زعما لاعبينها متقدمين .. و كلي المنطقة تاع الشرق كامل هوما الأكثر تحضرا فيها !! و صراحة أنا ما نطيقهمش بزاف خاصة على عقلية ولد بلادي انتاعهم .. الناس اللي تتحضر تتفتح على الأخرين ماشي تنغلق على روحها !!؟؟ أما سطيف أنا تبانلي حاجة اخرى طول .. صح هوما يحبو الزوخ و صحاب العط كيما يقولو . بصح يجوني معقولين تقدر تخالطهم ، خاصة ما كاش فرق كبير في التخمام بيناتنا .. أنا ماشي نهدرلك على سطايفي في سطيف و إنما عشت معاهم بعيد على المنطقة تاعنا و صح يبانولك بلى راهم كيفنا .. خاصة لما تشوف صحاب الغرب .... روح جرب تعيش في الشلف مثلا و الله تقول رانا في الشرق نوايا انتاع الصح . و تحيا تاجنانت .
حاجة باينة اما بالنسبة لسطيف فصدقنتي حتى هوما قراب منا صح بصح الناس كل كيف كيف قالك ناس بكري خوك خوك لايغرك صاحبك وانا نقول التاجنانتي خوك ولا يغرك أي واحد مخفي par exemple
شـُهرة العضو
نقـاط التمـيّـز
أوسمة
الإثنين 17 مايو 2010, 5:06 pm
الإقامة
مشكوووووووووووووووور
بتاج
